OPEN CALL 2026 


Мастацкая рэзідэнцыя ў Мохнартэ


мова ︎︎︎ EN ︎︎︎ PL ︎︎︎ BY


Фундацыя Mochnarte, заснаваная ў 2022 годзе, з’яўляецца цалкам прыватным праектам, які стварае прастору для сучасных мастакоў з Беларусі, Украіны, Польшчы і іншых краін. За апошнія тры гады рэзідэнцыю наведалі больш за 50 удзельнікаў, а фундацыя арганізавала больш за 10 выстаў і 18 публічных мерапрыемстваў. Mochnarte падтрымлівае маладых мастакоў, куратараў і культурных дзеячаў, умацоўваючы незалежную культурную экасістэму рэгіёна і спрыяючы трансмяжовай салідарнасці.

Фундацыя імкнецца аднаўляць сувязі там, дзе яны былі разарваныя, падтрымліваючы мастакоў, вымушаных пакінуць свае дамы і краіны. Рэзідэнцыя прапануе бяспечную прастору для творчай працы, дыялогу і адпачынку, а таксама спрыяе прафесійнаму развіццю праз супрацоўніцтва і абмен досведам. Mochnarte развівае партнёрствы з культурнымі цэнтрамі, няўрадавымі арганізацыямі і міжнароднымі куратарамі, ствараючы магчымасці для культурнага абмену.

Мы запрашаем мастакоў, куратараў і творчых практыкаў на рэзідэнцыю ў Падляшшы (Польшча). Фундацыя прымае рэзідэнтаў як гасцей, забяспечваючы жыллё і працоўную прастору, а таксама дапамагаючы ў бытавых і арганізацыйных пытаннях. Фінансавая падтрымка не прадугледжана, аднак фундацыя аказвае адміністрацыйную падтрымку: выдае запрашэнні для віз, сертыфікаты і рэкамендацыйныя лісты, а таксама садзейнічае пошуку грантаў мабільнасці. Мы аддаём перавагу кароткатэрміновым рэзідэнцыям (да двух тыдняў), але адкрыты да паўторных візітаў пры неабходнасці.

Mochnarte адкрытая да супрацоўніцтва з мастакамі, якія працуюць з сацыяльнымі і міграцыйнымі тэмамі. Асаблівая ўвага надаецца мастакам у эміграцыі, аднак фундацыя таксама падтрымлівае мясцовых аўтараў з Падляшша. Мы прытрымліваемся прынцыпаў недыскрымінацыі і роўнага стаўлення да ўсіх удзельнікаў.
Як падаць заяўку на рэзідэнцыю ў Мохнартэ

Дашліце адзіны PDF-файл на mochnarte@gmail.com з наступнымі дакументамі:

 – Партфоліо, CV і artist statement (да 10 старонак). Абавязкова пазначце сваю краіну пражывання.
 – Апісанне праекта, над якім будзеце працаваць падчас рэзідэнцыі (назва, канцэпцыя, план рэалізацыі).

У суправаджальным лісце пазначце пажаданыя даты побыту і паведаміце, ці патрэбна вам падтрымка ў пошуку гранта мабільнасці.

Тэрмін падачы неабмежаваны, але колькасць месцаў абмежаваная, таму рэкамендуем падаваць заяўкі загадзя.


Далучайцеся да Mochnarte у 2026 годзе!