ART MALADNIAK
Open Call
Art Maladniak — прастора для свабоднай творчасці, эксперыменту і развіцця новых ідэй.
Фонд Mochnarte запрашае беларускіх мастакоў, куратараў і творчых дзеячаў ва ўзросце 18–35 гадоў да ўдзелу ў рэзідэнцыйнай праграме Art Maladniak у вёсцы Мохнатэ на Падляшшы, Польшча.
Art Maladniak — гэта магчымасць на пэўны час засяродзіцца на ўласнай творчай або куратарскай практыцы, даследаванні, эксперыменце і развіцці новых ідэй.
Рэзідэнцыя працягваецца ад аднаго да двух тыдняў. Таксама магчыма падзяліць яе на два асобныя перыяды на працягу года, калі гэта лепш адпавядае патрэбам удзельніка і характару яго працы.
Мы не патрабуем стварэння асобнага завершанага праекта падчас рэзідэнцыі. Можна працаваць над новым праектам, працягваць ужо распачатую працу, займацца даследаваннем, эксперыментаваць або выкарыстоўваць гэты час для пошуку і развіцця новых ідэй.
Для нас важныя не толькі вынік, але і сам працэс, эксперымент, развіццё ўласнай практыкі і магчымасць свабоднай творчай працы.
Што прапануе Mochnarte
• пражыванне і харчаванне;
• прастору і ўмовы для творчай працы;
• кампенсацыю выдаткаў на праезд;
• матэрыялы, неабходныя для працы, паводле папярэдняга ўзгаднення;
• арганізацыйную падтрымку падчас рэзідэнцыі.
Нашы прынцыпы
Mochnarte імкнецца стварыць бяспечную прастору для свабоднага творчага выказвання, незалежнай працы і эксперыменту без цэнзуры.
Фонд прытрымліваецца прынцыпаў роўнасці, недыскрымінацыі і інклюзіўнасці. Мы вітаем людзей розных ідэнтычнасцяў і досведаў, у тым ліку прадстаўнікоў меншасцяў, ЛГБТК+ супольнасці і людзей з інваліднасцю.
Калі для ўдзелу ў рэзідэнцыі патрэбныя дадатковыя або адаптаваныя ўмовы, паведаміце нам пра гэта — мы пастараемся знайсці адпаведнае рашэнне.
Хто можа падаць заяўку
Да ўдзелу запрашаюцца беларускія мастакі, куратары і творчыя дзеячы ва ўзросце ад 18 да 35 гадоў, зацікаўленыя ў развіцці ўласнай практыкі, даследаванні і эксперыменце.
Мы адкрытыя да розных мастацкіх, куратарскіх і іншых творчых практык.
Як падаць заяўку
У межах праграмы прадугледжана толькі 12 месцаў. Колькасць удзельнікаў абмежаваная.
Пра закрыццё прыёму заявак мы паведамім на нашых старонках.
Каб падаць заяўку, дашліце на mochnarte@gmail.com:
- CV — кароткую інфармацыю пра сябе і свой прафесійны досвед.
- Партфоліа або іншую прэзентацыю вашай творчай дзейнасці.
- Апісанне таго, над чым вы хацелі б працаваць або чым займацца падчас рэзідэнцыі.
- Пажаданыя даты і працягласць рэзідэнцыі.
- Пазначце актуальную краіну пражывання.
Пасля рэзідэнцыі
Пасля завяршэння рэзідэнцыі ўдзельнік павінен прадставіць справаздачу аб рэзідэнцыі і праведзенай працы.
Мы чакаем ад удзельнікаў адкрытасці да эксперыменту, самастойнасці і адказнага стаўлення да сумеснай прасторы.